“საქართველო, როგორც კანდიდატი ქვეყანა, EU-ში გაფართოების გზაზე პროგრესს განაგრძობს” – ვარჰეი

სამეზობლო პოლიტიკისა და გაფართოების საკითხებში ევროკომისრის ოლივერ ვარჰეის განცხადებით, საქართველო ევროკავშირის გაფართოების გზაზე პროგრესს განაგრძობს.

ამის შესახებ ვარჰეი “ტვიტერის” პირად გვერდზე წერს.

“საქართველო, როგორც კანდიდატი ქვეყანა, ევროკავშირის გაფართოების გზაზე პროგრესს განაგრძობს. საქართველოს სოფლის მეურნეობის მინისტრთან ოთარ შამუგიასთან სოფლის მეურნეობასა და მწვანე ეკონომიკის კუთხით ევროკავშირთან თავსებადობა განვიხილეთ. ეს საკვანძო სფეროებია საქართველოს ევროკავშირის გზაზე. ჩვენი მხარდაჭერა გაგრძელდება”, – წერს ვარჰეი.