გურჯაანში 24 წლის ახალგაზრდა დაჭრეს
გურჯაანში 24 წლის ახალგაზრდა დაჭრეს. მამაკაცს მრავლობითი ჭრილობები ცივი იარაღით აქვს მიყენებული. შემთხვევა გუშინ მოხდა.
არსებული ინფორმაციით, მეგობრებს შორის სიტყვიერი დაპირისპირება სუფრაზე დაიწყო, რაც ფიზიკურ დაპირისპირებაში გადაიზარდა და კონფლიქტი ქუჩაში გაგრძელდა.
ჩხუბის დროს 40 წლამდე მამაკაცმა ცივი იარაღით 24 წლის ბიჭი დაჭრა. ის გურჯაანის „ჯეო ჰოსპიტალსშია“ მოთავსებული. ექიმის ინფორმაციით, პაციენტს რამდენიმე ჭრილობა სხეულის სხვადასხვა არეში აქვს მიყენებული.
შინაგან საქმეთა სამინისტროს ინფორმაციით, მომხდარზე დაკავებულია ერთი პირი. გამოძიება საქმეზე სსკ 19, 108- მუხლით დაიწყო.