ვინ მიიღებს მედიკამენტებს უფასოდ

საყოველთაო ჯანდაცვის პროგრამით, შესაბამისი კატეგორიისა თუ სტატუსის მქონე მოქალაქეები, ქრონიკული დაავადებების სამკურნალო მედიკამენტებს, სრული დაფინანსებით, მთელი წლის განმავლობაში მიიღებენ.

ჯანდაცვის სამინისტროს ცნობით, პროგრამა მოიცავს შემდეგი ქრონიკული დაავადებების სამკურნალო მედიკამენტების დაფინანსებას:

გულ-სისხლძარღვთა ქრონიკული დაავადებები; ფილტვის ქრონიკული დაავადებები; ფარისებრი ჯირკვლის ქრონიკული დაავადებები; დიაბეტი ტიპი 2; პარკინსონი; ეპილეფსია;გლაუკომა;

ამასთან, საჭირო მედიკამენტებს, მთელი წლის განმავლობაში სრულად მიიღებენ:

სოციალურად დაუცველი პირები (რომელთა სარეიტინგო ქულა არ აღემატება 100 000 ერთეულს);პენსიონრები; ვეტერანები; შეზღუდული შესაძლებლობის სტატუსის მქონე პირები (შშმ ბავშვები, მკვეთრად ან მნიშვნელოვნად გამოხატული შეზღუდული შესაძლებლობის სტატუსის მქონე პირები); საქართველოს ოკუპირებულ ტერიტორიებთან, გამყოფი ხაზის მიმდებარე სოფლებში მცხოვრები მოსახლეობა.

იმისთვის, რომ შესაბამისაი სტატუსის თუ კატეგორიის პირებმა მედიკამენტები მიიღონ, უნდა მიმართოს ოჯახის ექიმს.