ლაგოდეხში, მთავარი ნაძვის ხე ცენტრალურ სკვერში საზეიმოდ აინთო
ლაგოდეხში, მთავარი ნაძვის ხე ცენტრალურ სკვერში საზეიმოდ აინთო. ნაძვის ხის ანთებასთან ერთად, ასევე, ჩაირთო დეკორატიული განათებები და ქალაქის ქუჩები საზეიმოდ განათდა.
ღონისძიებას, ადგილობრივი ხელისუფლების წარმომადგენლები მოქალაქეებთან და ბავშვებთან ერთად დაესწრნენ.
წელს, საქართველოს მთავრობის ადმინისტრაციის გადაწყვეტილებით, ლაგოდეხის მუნიციპალიტეტს, საჩუქრად გადაეცა საახალწლო ილუმინაციები.
ლაგოდეხის მუნიციპალიტეტში საახალწლო კვირეული დაიწყო, რომლის ფარგლებში სხვადასხვა ღონისძიება გაიმართება, ყველა თაობის წარმომადგენლისა და ჩამოსული სტუმრებისათვის.
