თელავის მუნიციპალიტეტში მსხვილფეხა პირუტყვი მოიპარეს
თელავის მუნიციპალიტეტის სოფელ ვანთაში, გვიან ღამით, ქურდობა მოხდა.
ჯერჯერობით დაუდგენელმა პირებმა, საღინაშვილების ფერმიდან მსხვილფეხა პირუტყვი მოიპარეს.
პატრონმა ქურდობის შესახებ დილით, მას შემდეგ შეიტყო, რაც საქონლის სადგომს ცხოველების გამოსაკვებად მიაკითხა.
საღინაშვილების ინფორმაციით, დაკარგულია საქონლის დიდი ნაწილი.
მომხდარის შესახებ, ოჯახმა პოლიციას უკვე აცნობა. სამართალდამცავები ოპერატიულ- სამძებრო ღონისძიებებს ატარებენ.