თელავის უნივერსიტეტში სტუდენტთა სამეცნიერო ფორუმი გაიმართა
იაკობ გოგებაშვილის სახელობის თელავის სახელმწიფო უნივერსიტეტში, ქართლ- კახეთის მეფის, ერეკლე მეორესა და მისი ეპოქის შესახებ, სტუდენტთა სამეცნიერო ფორუმი ჩატარდა.
ფორუმის მონაწილეებს უნივერსიტეტის რექტორი, შალვა ჭკადუა მიესალმა და სამეცნიერო საქმიანობაში, სტუდენტების მონაწილეობის მნიშვნელობაზე ისაუბრა.
სამეცნიერო ფორუმზე, უნივერსიტეტის სხვადასხვა ფაკულტეტის თექვსმეტმა სტუდენტმა ერეკლე მეორესა და მისი თანამედროვე ეპოქის თაობაზე, მოხსენება წარადგინა. მომხსენებლებს , თემების მომზადებასა და დამუშავებაში ხელმძღვანელობა გაუწიეს უნივერსიტეტის პროფესორებმა, თენგიზ სიმაშვილმა, ნინო გიორგაძემ, თეიმურაზ ახალმოსულიშვილმა, მანანა ღარიბაშვილმა, ნინო გოგიაშვილმა, ნუნუ გელდიაშვილმა, მედეა მეტრეველმა, ნინო კოჭლოშვილმა, შორენა წიგნაძემ და მაია კობიაშვილმა.