თელავის სახელმწიფო უნივერსიტეტში სტუდენტური ფორუმი გაიმართება
იაკობ გოგებაშვილის სახელობის თელავის სახელმწიფო უნივერსიტეტში სტუდენტთა სამეცნიერო ფორუმი ჩატარდება.
სამეცნიერო ფორუმის თემაა ერეკლე მეორე და მისი ეპოქა. ფორუმზე უნივერისტეტის სხვადასხვა ფაკულტეტის საბაკალავრო და სამაგისტრო პროგრამების სტუდენტები, საკუთარ მოხსენებებს წარადგენენ.
ღონისძიება უნივერსიტეტის ჰუმანიტარულ მეცნიერებათა დეპარტამენტმა და რექტორის მოადგილემ სამეცნიერო დარგში, ნუნუ გელდიაშვილმა მოამზადეს. სამეცნიერო ფორუმი 2 ნოემბერს, უნივერსიტეტის I კორპუსის II სართულზე, სხდომათა დარბაზში, 12 საათზე გაიხსნება.