ახმეტაში დაკარგულ მამაკაცს ეძებენ

ახმეტის მუნიციპალიტეტის სოფელ ახშნის ველებში მეხუთე დღეა, 80 წლის მამაკაცს ეძებენ.

ადგილობრივების ინფორმაციით, ხანდაზმულს მეხსიერების პრობლემები აქვს. ის ბოლოს სოფელში, ცენტრალურ გზაზე ნახეს, თუმცა მას შემდეგ აღარ ჩანს.

ოჯახმა დახმარებისთვის პოლიციას მიმართა, რადგან საკუთარი ძალებით დაკარგულს ვერსად მიაკვლია. მამაკაცის ძებნის პროცესში სამართალდამცავები უკვე ჩაერთნენ.