გურჯაანში სტიქიის დროს ნიაღვარმა ქალი გაიტაცა- ვიდეო
გუშინ მომხდარმა სტიქიამ, გურჯაანის მუნიციპალიტეტი მნიშვნელოვნად დააზარალა.
ქალაქის ცენტრალური ქუჩა, სადაც მდინარე ნავთისხევი კალაპოტის გარღვევის შემდეგ რამდენიმე საათი მიედინებოდა, მძიმე ტექნიკამ სრულად გაწმინდა და ავტომობილებით გადაადგილება გვიან ღამითვე გახდა შესაძლებელი.
ქუჩებში მოვარდნილმა ნიაღვრებმა დააზიანა ქალაქის ინფრასტრუქტურა. ღვარცოფის შედეგად ათობით მანქანა და საცხოვრებელი სახლი დაიტბორა.
ნიაღვარმა ასევე ცენტრალურ ქუჩაზე მყოფი გარემოვაჭრე, ასაკიანი ქალი გაიტაცა, ვიდეო კადრებში ჩანს როგორ ითხოვს ქალი შველას. ადგილობრივების თქმით, მას დახმარება დროულად აღმოუჩინეს და ახლა თავს კარგად გრძნობს.
ფაქტის ამსახველ მასალას ჟურნალისტი დავით ჭაბაშვილი ავრცელებს: