აქთუშეთი- სივრცე რომელიც ხელოვნებას, კულტურას, ისტორიას და ტრადიციებს აერთიანებს

აქთუშეთი არის ავთენტური სივრცე თუშეთში, სადაც ვიზიტორები ეცნობიან თუშეთის უნიკალურ ხელოვნებას, კულტურას, ისტორიას, ტრადიციებს, კავდებიან სხვადასხვა შემეცნებითი და გასართობი აქტივობით და რაც მთავარია ღამით დარჩენის შესაძლებლობაც აქვთ.

USAID-ის თანამშრომლობის შედეგად მოხდა საოჯახო სასტუმროს ინვენტარიზაციისა და აღჭურვილობის გაუმჯობესება, რამაც აქთუშეთს საშუალება მისცა არასეზონურ პერიოდშიც ემასპინძლა სტუმრებისთვის.

,,სივრცე უკვე მასპინძლობს მუდმივად მზარდ ადგილობრივ და საერთაშორისო ვიზიტორებს და მათ საინტერესო გამოცდილებებს სთავაზობს. USAID ამაყობს, რომ მხარს უჭერს აქთუშეთს. ეს თანამშრომლობა ერთ-ერთი მაგალითია იმისა თუ როგორ უწყობს ხელს USAID მცირე საწარმოების განვითარებას, და ამ გზით ქმნის ახალ სამუშაო ადგილებს, უფრთხილდება კულტურას და აძლიერებს ადგილობრივ მოსახლეობას. თუ გსურთ ავთენტურ გარემოში სასიამოვნო დროის გატარება, მაშინ აქთუშეთი კარგი არჩევანია”,- წერია USAID-ის ოფიციალურ გვერდზე გავრცელებულ ინფორმაციაში.