გაიცანით დავით ბეგიაშვილი-გინესის რეკორდსმენი ახმეტიდან

დავით ბეგიაშვილი გინესის რეკორდსმენია ახმეტიდან.
მან დაამთავრა ახმეტის N2 საჯარო სკოლა.2009-2012 წლებში დაამყარა ხუთი მსოფლიო რეკორდი მუცლის პრესის ვარჯიშში (4 მათგანი ქ.ახმეტაში ჩატარდა). 2012 წელს ახმეტელ მეგობრებთან მამუკა ორმოცაძესთან და ვახო სარაჯიშვილთან ერთად საქართველოს რეკორდების ფედერაცია ჩამოაყალიბა, რომელმაც შემდგომში სპორტის სამინისტროდან და საერთაშორისო ორგანიზაციებისგანაც მიიღო აღიარება.

ახმეტის მუნიციპალიტეტის მერიის ინფორმაციით, 2018 წლიდან ხელმძღვანელობს ახალგაზრდული ცენტრების ასოციაციას, რომელიც მთელი საქართველოს მასშტაბით ფუნქციონირებს და ახალგაზრდა თაობაში განათლებისა და განვითარების ხელშეწყობას ემსახურება.