თელავის მაღალმთიანი დასახლების სტატუსის მქონე სოფლებში, მუდმივად მცხოვრები პირების მონიტორინგი ჩატარდა

თელავის მუნიციპალიტეტის მაღალმთიანი დასახლების სტატუსის მქონე ხუთივე სოფელში: სეროდანში, პანტიანში, ნადიკვარში, თეთრიწყლებსა და კობაძეში, მუდმივად მცხოვრები პირების მონიტორინგი ჩატარდა.

მონიტორინგი კალენდარული წლის განმავლობაში პირთა ფაქტობრივად ცხოვრების შემოწმებას და მაღალთიან დასახლებაში მუდმივად მცხოვრები პირის სტატუსის მინიჭების ან შეწყვეტის საკითხის განხილვას ითვალისწინებდა.

აღსანიშნავია, რომ მაღალმთიან დასახლებაში მუდმივად მცხოვრების სტატუსი ენიჭება პირს, რომელიც: არის საქართველოს მოქალაქე; რეგისტრირებულია მაღალმთიან დასახლებაში; ყოველი კალენდარული წლის განმავლობაში ჯამში 9 თვის ან 9 თვეზე მეტი ვადით ფაქტობრივად ცხოვრობს მაღალმთიან დასახლებაში.

მაღალმთიან დასახლებაში მუდმივად მცხოვრების სტატუსის მქონე პირებისთვის გაიცემა სოციალური შეღავათები „მაღალმთიანი რეგიონების განვითარების შესახებ“ საქართველოს კანონის შესაბამისად. მონიტორინგი განახორცილეს საქართველოს მთავრობის 2015 წლის 19 ნოემბრის N591 დადგენილების შესაბამისად განსაზღვრულმა უფლებამოსილმა პირებმა.