ლაგოდეხის ტყეში მამაკაცის ცხედარი იპოვნეს
ლაგოდეხის მთებში გარდაცვლილი მამაკაცი იპოვეს.
ლაგოდეხის მუნიციპალიტეტის სოფელ ნინიგორში მცხოვრები შუახნის ასაკის თამაზ კაპანაძე, მთაში რამდენიმე დღის წინ წავიდა.
მას შემდეგ მამაკაცი აღარ გამოჩენილა. სოფელში ვარაუდობენ, რომ კაპანაძე სიმაღლიდან გადავარდა, რასაც მისი გარდაცვალება მოჰყვა.
მომხდარ ფაქტზე, შინაგან საქმეთა სამინისტრომ გამოძიება სისხლის სამართლის კოდექსის 115- მუხლით დაიწყო.