თელავში „მამების თასი” ჩატარდა
მამების საერთაშორისო დღესთან დაკავშირებით, თელავის მუნიციპალიტეტის მერიისა და თელავის საფეხბურთო სკოლის ორგანიზებით, გივი ჩოხელის სახელობის სტადიონზე საფეხბურთო მატჩი გაიმართა, რომელშიც ვეტერანმა ფეხბურთელებმა და მათმა შვილებმა მიიღეს მონაწილეობა. ამის შესახებ ინფორმაციას თელავის მუნიციპალიტეტის მერია ავრცელებს.
ღონისძიებას თელავის მუნიციპალიტეტის მერი, ლევან ანდრიაშვილი მოადგილესთან, ფიქრია ყუშიტაშვილთან ერთად დაესწრო.
მერმა მატჩის მონაწილე გუნდებს სიგელები და „მამების თასი“ გადასცა. მამების დღე თელავში უკვე მეორედ აღინიშნება. ორგანიზატორთა თქმით, აღნიშნული შეხვედრა მიზნად ისახავდა გენდერული თანასწორობის და ჯანსაღი ცხოვრების წესის პოპულარიზაციას.