საწვავის ფასის დარეგულირებასთან დაკავშირებით პარლამენტში მსჯელობა მიმდინარეობს
დავით სონღულაშვილმა დღეს პარლამენტის პლენარულ სხდომაზე განაცხადა, რომ ქვეყანაში საწვავის გაძვირების ფაქტორები დაასახელა და აღნიშნა, რომ ფასების ზრდა რუსეთ-უკრაინის ომით არის განპირობებული.
„საქართველო საწვავის იმპორტიორი ქვეყანაა, შესაბამისად მთლიანად დამოკიდებულია მსოფლიოს ბაზარზე არსებულ მდგომარეობაზე. საწვავის ფასების ზრდის ტენდენცია განპირობებულია უკრაინაში რუსეთის მიერ წარმოებული სამხედრო აგრესიით და გლობალური გეოპოლიტიკური კრიზისით.
ყველაფრის გათვალისწინებით, ომის დაწყებიდან დღემდე გაზრდილი რისკების გამო, იზრდება ფასებიც, განსაკუთრებით ნავთობ პროდუქტებზე. ბუნებრივია ეს ტენდენცია აისახება საქართველოზე, როგორც ღია ეკონომიკის ქვეყანაზე.
პოლიტიკური ძალები ცდილობენ ამ ამბის სათავისოდ გამოყენებას, თუმცა ვფიქრობ, რომ აქცენტის გამოსავალზე უნდა გადავიტანოთ და არა პრობლემის სიმწვავეზე. ეს პრობლემა ნამდვილად არ აღმოუჩენია ოპოზიციას. ამ საკითხთან დაკავშირებით აქტიურად მუშაობს მთავრობა, უმრავლესობა და კერძო სექტორი, რათა ერთად იპოვონ გამოსავალი“, – განაცხადა დავით სონღულაშვილმა.