საფრანგეთი უკრაინას თავდაცვით აღჭურვილობასთან ერთად საწვავის მარაგს გაუგზავნის
საფრანგეთი უკრაინას თავდაცვით აღჭურვილობასთან ერთად საწვავის მარაგს უგზავნის, რათა მხარი დაუჭიროს ქვეყანას რუსეთის შემოჭრის წინააღმდეგ, – აღნიშნულია ელისეს სასახლის განცხადებაში, რომელიც ეროვნული თავდაცვის საბჭოს შეხვედრის შემდეგ გავრცელდა.
განცხადებაში დამატებითი დეტალები თავდაცვითი აღჭურვილობის შესახებ მითითებული არ არის, თუმცა წყარომ ჟურნალისტებს განუცხადა, რომ ეს შეიძლება მოიცავდეს ტანკსაწინააღმდეგო იარაღს.
ეროვნული თავდაცვის საბჭო ასევე დასთანხმდა რუსების ფინანსური აქტივების გაყინვას და გამოაცხადა ზომები „რუსული მედიის პროპაგანდის წინააღმდეგ საბრძოლველად“.
გაცხადებაში აღნიშნულია, რომ საფრანგეთის პრეზიდენტმა ემანუელ მაკრონმა ევროკავშირისა და აშშ-ს მსგავსად „ეკონომიკური და ფინანსური სანქციების გაძლიერება“ გამოაცხადა.