Haccp-ის სისტემის არქონის გამო 100-მდე ბიზნესოპერატორი დაჯარიმდა
სურსათის ეროვნული სააგენტოს ინსპექტირების ჯგუფები, საზოგადოებრივი კვების ობიექტების სახელმწიფო კონტროლის განხორციელებისას, ინსპექტირების პარალელურად, აქტიურად ამოწმებენ, აქვს თუ არა ობიექტებს Haccp-ის (კრიტიკული ანალიზისა და საკონტროლო წერტილების) სისტემა დანერგილი.
სეს–ის ინფორმაციით, სააგენტოს ბაზაში, მთელი ქვეყნის მასშტაბით, რეგისტრირებულია 10 000-მდე ობიექტია რეგისტრირებული , რომლებისთვისაც სავალდებულოა HACCP-ის სისტემის დანერგვა სავალდებულოა. სააგენტოს ინსპექტორების მიერ, ამ დროისთვის, გაცემულია 1000-ზე მეტი რეკომენდაცია.
სახელმწიფო კონტროლის ფარგლებში, მითითებების შეუსრულებლობისთვის 100-მდე ბიზნესოპერატორი (მათ შორის 48 დედაქალაქში) დაჯარიმდა.
ბიზნესოპერატორებისთვის, რომლებიც საცალო ვაჭრობის პუნქტებში სურსათის წარმოება-გადამუშავებას ახორციელებენ, Haccp-ის პრინციპების დანერგვა 2021 წლის 1 ივნისიდან არის სავალდებულო. სურსათის ეროვნული სააგენტო აქტიურად თანამშრომლობს ბიზნეს-სექტორსა და გაერთიანებებთან მათი ინფორმირებულობის გაზრდის მიზნით.