„თელმიკომ“ მოსახლეობისთვის დეპოზიტის დარიცხვა შეაჩერა

„თელმიკომ“ მოსახლეობისთვის დეპოზიტის დარიცხვა შეაჩერა. ამის შესახებ ინფორმაციას კომპანია ავრცელებს.

„თელმიკოს“ ინფორმაციით, მომხმარებლის ნაწილს კომპანია „თელმიკოსგან“ მიუვიდა სმს შეტყობინება, სააბონენტო ბარათზე დეპოზიტის დარიცხვის შესახებ, რასთან დაკავშირებითაც „თელმიკოში“ აცხადებენ, რომ დეპოზიტების დარიცხვა მოხდა, საცალო ბაზრის წესების შესაბამისად და მხოლოდ იმ მომხმარებლებზე, რომელიც სისტემატიურად არღვევს ელექტროენერგიის გადახდის ვადებს.

„თუმცა სოციალური მდგომარეობიდან გამომდინარე და ასევე მომხმარებლების მხრიდან სემეკში მიმართვების გათვალისწინებით, კომპანია “თელმიკო”, აუქმებს დეპოზიტის დარიცხვას ყველა საყოფაცხოვრებო მომხმარებლისთვის.

დამატებითი ინფორმაციისთვის, მომხმარებელს შეუძლია მიმართოს კომპანია „თელმიკოს“ ქოლ ცენტრს, ნომერზე +995 32 5 000 777, მოგვწეროს პირადი შეტყობინება “ფეისბუქში” ან ელექტრონულ მისამართზე info@telmico.ge“,- ნათქვამია ინფორმაციაში.