ლაგოდეხში საცხოვრებელი სახლი დაიწვა
ლაგოდეხში, დუმბაძის ქუჩაზე, ჭუმბურიძეების საცხოვრებელი სახლი დაიწვა.
არსებული ინფორმაციით, ხანძრის შედეგად დაიწვა საყოფაცხოვრებო ნივთები. აალების მიზეზი სავარაუდოდ, გაუმართავი ელექტროსადენები გახდა. შემთხვევის შედეგად არავინ დაშავებულა.
ადგილზე მობილიზებული იყო შსს საგანგებო სიტუაციების მართვის ლაგოდეხის სამსახურის სახანძრო ბრიგადები. მეხანძრე – მაშველების მიერ ხანძარი უკვე ლიკვიდირებულია.