,,ქართული ოცნებიდან” ახმეტის მერობის კანდიდატი ალექსი ფიცხელაური იქნება

მმართველი გუნდის გადაწყვეტილებით, ლაგოდეხში ჯონდო მდივნიშვილი იყრის კენჭს, ყვარელში – გივი ზაუტაშვილი, ახმეტაში – ალექსი ფიცხელაური, თელავში კი ლევან ანდრიაშვილი.

ახმეტის მუნიციპალიტეტის მერიბის კანდიდატის, ალექსი ფიცხელაურის თქმით, ახმეტას აქვს სოფლის მეურნეობის, მცირე და საშუალო ბიზნესის, ტურიზმის განვითარების დიდი პოტენციალი, რასაც ხელს უწყობს ჩვენი 400-ზე მეტი ისტორიულ-კულტურული მემკვიდრეობის ძეგლი. ამ ყველაფრის განვითარებას ეტაპობრივად დასჭირდება ხელშეწყობა შესაბამისი ინფრასტრუქტურული პროექტებით.

„მე დავიბადე და გავიზარდე ახმეტაში, თქვენ წინაშე გამოსვლა ჩემთვის უდიდესი პასუხისმგებლობაა, მით უმეტეს, რომ დღეს, ჩემთვის ძალიან მნიშვნელოვანი დღეა. მაქვს პატივი, წარდგენილი ვიყო ახმეტის მუნიციპალიტეტის მერობის კანდიდატად. ამისთვის, მინდა მადლობა გადავუხადო, ჩვენს პოლიტიკურ გუნდს „ქართულ ოცნებას“ და მის ლიდერებს, რომლებმაც ნდობა გამომიცხადეს და საშუალება მომცეს, თქვენი მხარდაჭერით ჩემს ახმეტას და ახმეტელებს ვემსახურო.

„მინდა, წარმოგიდგინოთ ჩვენი გუნდი საკრებულოში. წარმოგიდგენთ კახა მამულაშვილს, ზეზვა უძილაურს, დავით ავაზაშვილს, ზეზვა ფიცხელაურს, ბესო კაიშვილს, გიორგი მამუჩარაშვილს, რევაზ გახუაშვილს, ელდარ ბაღაკაშვილს, თამაზ ალხანაშვილს და ასევე, სერგო მელწაიძეს, რომელიც საპატიო მიზეზის გამო ჩვენს გვერდით არ არის დღეს, მაგრამ ხვალიდან შემოგვიერთდება“, – განაცხადა ალექსი ფიცხელაურმა.