საქართველოში საწვავი ისევ გაძვირდა

საცალო ქსელებში საწვავი 5 თეთრით კიდევ გაძვირდა.

ნავთობიმპორტიორთა კავშირის ინფორმაციით, მიზეზი საერთაშორისო ბაზარზე მაღალი ფასით შესყიდული იმპორტია.

თვის დასაწყისიდან დღემდე საერთაშორიო ბაზარზე ბენზინის ღირებულება – 90 დოლარით, დიზელის კი 100 დოლარით გაიზარდა.

კერძოდ, თუ 1 ნოემბერს 1 ტონა ბენზინის ღირებულება 340 დოლარს შეადგენდა, 14 დეკემბრის მდგომარებით, მისი ფასი 429.5 დოლარის ნიშნულზეა.

შეგახსნებთ, ბრენდირებულ და არაბრენდირებულ სადგურებზე საწვავი ნოემბრის ბოლოსაც გაძვირდა და ფასები 7-10 თეთრის ფარგლებში დაკორექტირდა.