თელავში შემოსავლების სამსახურის 9 თანამშრომელს კორონავირუსი დაუდასტურდა

თელავში, შემოსავლების სამსახურის სერვის-ცენტრის 9 თანამშრომელს კორონა ვირუსი დაუდასტურდა.

აღნიშნულ საკითხზე დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილებაში კომენტარს არ აკეთებენ.

გავრცელებული ინფორმაციით, სერვის-ცენტრში მყოფ პირთა ინფიცირების წყარო, სავარაუდოდ, თანამშრომელი გახდა, რომელიც ყვარლის მუნიციპალიტეტიდან არის.

ამჟამად, თელავის სერვის-ცენტრი დაკეტილია და იქ სადეზინფექციო სამუშაოებიც უკვე ჩატარებულია.

ვირუსი დაუდგინდა, თელავის სერვის-ცენტრში პირველად გამოვლენილი ინფიცირებულის ოჯახის ორ წევრსაც.

ეპიდემიოლოგები, მათ კონტაქტებს სწავლობენ.

დღევანდელი მდგომარეობით, კახეთის რეგიონში ახალი კორონა ვირუსის 128 დადასტურებული შემთხვევაა გამოვლენილი.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *