სოფელ კარდენახში ავტოსაგზაო შემთხვევის შედეგად 5 ადამიანი დაშავდა
გურჯაანის მუნიციპალიტეტის სოფელ კარდენახში ავტოსაგზაო შემთხვევის შედეგად 5 ადამიანი დაშავდა.
თვითმხილველების ინფორმაციით, ერთმანეთს ტრაილერი და მსუბუქი ავტომობილი შეეჯახა. დაშავებულები სასწრაფო-სამედიცინო ბრიგადამ გურჯაანის ჯეოჰოსპიტალსის საავადმყოფოში გადაიყვანა.
ექიმების განცხადებით, მძიმე მდგომარეობაშია 35 წლამდე ასაკის ქალბატონი, რომელიც რეანიმაციულ განყოფილებაშია გადაყვანილი.
მომხდარზე მიმდინარეობს გამოძიება.