ერთიან ეროვნულ გამოცდებზე თელავში 9 აბიტურიენტი არ გამოცხადდა
დღეს ერთიანი ეროვნული გამოცდები 09:00 საათზე ქართული ენისა და ლიტერატურის გამოცდით დაიწყო.
თელავში განთავსებულ საგამოცდო ცენტრში კი რეგისტრირებული 233 აბიტურიენტი აბარებს გამოცდას. საგამოცდო ცენტრში განმარტავენ, რომ 9 აბიტურიენტი არ გამოცხადდა ადგილზე.
მათივე ინფორმაციით, საგამოცდო პროცესი ამ დროისთვის შეფერხების გარეშე მიმდინარეობს.
შეგახსენებთ, რომ კახეთში დილიდან 1 საგამოცდო ცენტრი მუშაობს, რომელიც თელავში, მერვე საჯარო სკოლაშია განთავსებული.
მარიამ ოქროცვარიძე