გურჯაანში ავარიის დროს გარდაცვლილი ქალის შესახებ ახალი დეტალები ხდება ცნობილი

,,გარდაცვლილი ქალბატონი, კოტეხის დასახლებაში, ე.წ. ინკუპატორთან ახლოს ცხოვრობდა, ცენტრალურ გზასთან ახლოს. ხშირად გამოდიოდა გარეთ, მოპირდაპირე მხარეს ახლოსვე მაღაზიებია და იქ მიდიოდა ხოლმე. გუშინ მასე გადასვლას ცდილობდა და მანქანა დაეჯახა. ამ ქუჩაზე აუცილებელია რეგულაციების გატარება, რადგან მანქანები ძალიან სწრაფად დადიან”,- განუცხადეს Knews.ge-ს გარდაცვლილის მეზობლებმა.

შინაგან საქმეთა სამინისტროს ინფორმაციით, მოხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რომელმაც ადამიანის სიცოცხლის მოსპობა გამოიწვია.