სოფელ ახალსოფლის „eko-hands” ბუნების დასაცავად
მსოფლიო პანდემიის მიუხედავად, ყვარლის მუნიციპალიტეტში სოფელ ახალსოფლის #2 საჯარო სკოლის ეკო-კლუბი „eko-hands”-ი, თვადაუზოგავად იბრძვის ქვეყნის გამორჩეული ბუნების დასაცავად.
სასწავლო წლის განმავლობაში უამრავი აქტივობა განახორციელეს, ყოველკვირეულად აწყობდნენ დასუფთავებისა და გამწვანების აქციებს, ატარებდნენ ტრენინგებს, შეხვედრებსა და სემინარებს სხვადასხვა სკოლის ეკო-კლუბებთან.
სოფელ ახალსოფლის ეკო-კლუბელები არც სახლში ისვენებენ. თითქმის ორი თვის განმავლობაში, ეკოლოგიისა და სოციალური პასუხისმგებლობის მიმართულებით, არაერთი ონლაინ შეხვედრა ჩაატარეს როგორც საკუთარი სოფლის, ასევე მეზობელი-ეთნიკური უმცირესობის ახალგაზრდებისთვის.
ახალსოფლის ეკო-კლუბმა, „Eco Hands”, შექმნა საინფორმაციო პლატფორმა Cov-News. მისი მიზანია covid 19-ით გამოწვეული ვითარების შესახებ საზოგადოების ინფორმირებულობა, გამოწვეულ კრიზისზე სახელმწიფოს რეაგირების, რეკომენდაციების, საჭირო ინფორმაციის მიწოდება.
ახალსოფლის ეკო-კლუბი კიდევ ბევრ საინტერესო პროექტზე მუშაობს, რომლის შესახებაც ახლო მომავალში შეიტყობს საზოგადოება.