თელავში მოხალისეთა ჯგუფები საბითუმო-საცალო ბაზრობას სისტემატიურად ამოწმებენ

თელავის საბითუმო-საცალო ბაზრობა სისტემატიურად მოწმდება მუნიციპალიტეტის მერიის მოხალისეთა ჯგუფების მიერ. 

მოვაჭრეები პროდუქტს ყიდიან მათთვის სპეციალურად მონიშნული ადგილებიდან, დისტანციური წესების დაცვით.

გარდა საბითუმო-საცალო ბაზრობისა, მუნიციპალიტეტის მასშტაბით მოწმდება თავშეყრის ადგილები, მათ შორის ბანკები, საბანკო ტერმინალები, სასურსათო მაღაზიები, აფთიაქები.

მოხალისეები, საჭიროების შემთხვევაში, მოსახლეობას რეკომენდაციების დაცვისაკენ მოუწოდებენ და აღნიშნულ ობიექტებზე რიგების დარეგულირებას უზრუნველყოფენ.