გომბორის გზაზე საავტომობილო მოძრაობაზე შეზღუდვა მოიხსნა
თელავი-ვაზიანი-გომბორის დამაკავშირებელ საავტომობილო გზაზე შეზღუდვა მოხსნილია.
საავტომობილო გზების დეპარტამენტის თელავის რაიონული სასამართლოს უფროსის, თამაზ აბდულაშვილის ინფორმაციით, გომბორის უღელტეხილზე ინტენსიურად თოვს და გზის გაწმენდითი სამუშაოები აქტიურად მიმდინარეობს.
,,დილის 9-ის ნახევარზე მოვხსენით შეზღუდვები, გზის საფარი შავი იყო აბსოლიტურად, თუმცა ცოტა ხნის წინ დაიწყო ისევ ინტენსიური თოვა, რის გამოც გზის რამდენიმე კილომეტრი უკვე გადათეთრდა. ჩვენი ჯგუფები აქტიურად მუშაობენ, ყრიან მარილს და ამ ეტაპზე გადაადგილება თავისუფალია”, – განაცხადა თამაზ აბდულაშვილმა.
გომბორზე თოვა გუშინ საღამოს დაიწყო, ღამის განმავლობაში კი ტრანსპორტის გადაადგილებაზე შეზღუდვა იყო დაწესებული.