ლაგოდეხის საკრებულოს შუალედურ არჩევნებში “ქართული ოცნების” კანდიდატმა გაიმარჯვა

ცენტრალურმა საარჩევნო კომისიამ ლაგოდეხის მუნიციპალიტეტის საკრებულოს შუალედური არჩევნებისთვის აფენის ადმინისტრაციულ ერთეულში გახსნილი ოთხივე საარჩევნო უბნის მონაცემები დაითვალა.

როგორც “კახეთის ხმას” ლაგოდეხის საოლქო-საარჩევნო კომისიის თავმჯდომარემ განუცხადა, ომარ შველიძეს 1991-მა ამომრჩეველმა დაუჭირა მხარი, რაც ხმების 84.4%-ია. “ევროპული საქართველოს” კანდიდატმა მალხაზ მელაშვილმა კი 347 ხმა (14.71%) მიიღო.

პარტიის “მოძრაობა თავისუფალი” საქართველოს კანდიდატზე კენჭისყრაში მონაწილე ამომრჩევლთა 0.89%-მა (21 ხმა) შეაჩერა საკუთარი არჩევანი. რევაზ გაიპარაშვილის ინფორმაციით, საჩივარი არც ერთ უბანზე არ დაწერილა.