თელავში ხანძრის შედეგად შენობის სახურავი დაიწვა



ქალაქ თელავში კაფეს ,,ბლიცი” ცეცხლი გაუჩნდა.

თვითმხილველების ინფორმაციით, ხანძარი მოქალაქემ შეამჩნია და კაფეს თანამშრომლებს შეატყობინა. ადგილზე სახანძრო- სამაშველო სამსახური იმყოფებოდა, რომელმაც ხანძრის ლიკვიდაცია უკვე მოახდინა. შემთხვევის შედეგად არავინ დაშავებულა.

ხანძრის შედეგად დაზიანდა დაწესებულების სახურავი. წინასწარი ინფორმაციით, ხანძრის გამომწვევი მიზეზი ელექტროსადენების გაუმართაობა გახდა.