პანკისის მოსახლეობამ ჰესების მშენებლობის წინააღმდეგ აქცია გამართა

„ აქ რომ ჰესი ააშენონ, ჭაობი გახდება ხეობაში, ბუნებრივ კატასტროფას მივიღებთ. ასევე ვინც ჰესის წინააღმდეგია, პოლიცის იბარებს და აშინებს. არ ვაპირებთ გაჩერებას. პოლიციას მივმართავთ, შეწყვიტონ შანტაჟი და მუქარა”, – განაცხადეს აქციის მონაწილეებმა.

პანკისის ხეობის მოსახლეობამ ასევე საქართველოს პრემიერ-მინისტრის სახელზე მიმართვა მოამზადა. მიმართვაში ნათქვამია, რომ მოსახლეობა ხეობაში დაგეგმილი ჰესების აშენების წინააღმდეგია. ადგილობრივები პრემიერ-მინისტრს მოუწოდებენ აღნიშნული საკითხით დაინტერესდეს.