ზურაბიშვილი – მე და ჩემს შვილებს მოკვლით გვემუქრებიან

მმართველი პარტიის მიერ მხარდაჭერილმა პრეზიდენტობის დამოუკიდებელმა კანდიდატმა რამდენიმე წუთის წინ საგანგებო ბრიფინგი გამართა.

სალომე ზურაბიშვილის მტკიცებით, მას და მის შვილებს მოკვლით ემუქრებიან.

„ბოლო დღეებში, კერძოდ, 9, 10 და 11 ნოემბერს განხორციელდა ჩემი შვილების, თეიმურაზისა და ქეთევანის და პირადად ჩემ მიმართ, „ეს ემ ეს“ და ხმოვანი შეტყობინებები. იქ ნათლადაა გამოთქმული სიცოცხლის მოსპობის მუქარა, გამოკვეთილად სხვადასხვა უხამსი სიტყვებით, სამივეს მიმართულებით გაჟღერდა – „შუბლს გაგიხვრეტთ, თქვენს სისხლს დავლევ“, – განაცხადა ზურაბიშვილმა.
მისი ინფორმაციით, მუქარის ავტორები არიან „ნაციონალურ მოძრაობასთან“ დაკავშირებული ყოფილი სამხედრო პირები.