თელავში ავარიის შედეგად 4 ადამიანი მძიმედ დაშავდა
ავარიის შედეგად 4 ადამიანი მძიმედ დაშავდა. თვითმხილველების თქმით, გადჭარბებული სიჩქარით მოძრავი BMW -ს მარკის ავტომობილი გზის სავალი ნაწილიდან გადავიდა და ხეს შეეჯახა.
შეჯახება იმდენად ძლიერი აღმოჩნდა, რომ მაშველებს ავტომობილიდან მგზავრების გადმოსაყვანად სპეციალური ტექნიკის გამოყენება დასჭირდათ.
შემთხვევის ადგილზე სასწრაფო, სახანძრო და საპატრულო პოლიციის რამდენიმე ბრიგადაა მობილიზებული.
საინფორმაციო სააგენტო pia.ge-ს ინფორმაციით, მედიკოსებს ორი დაშავებული თელავის რეფერალურ საავადმყოფოში ამ წუთებში გადაჰყავთ.
ფოტო: pia.ge