კახეთში სეტყვისგან მიყენებულ ზარალს ითვლიან
ძლიერმა სეტყვამ საგარეჯოში 5, გურჯაანის 4 და სიღნაღის მუნიციპალიტეტის 2 სოფელი დააზარალა.
განსაკუთრებით რთული ვითარებაა გურჯაანის მუნიციპალიტეტის სოფელ ჩალაუბანში სტიქიამ 150 ჰექტრამდე ვენახი გაანადგურა. სტიქიამ სოფლებში ასევე მარწყვის მოსავალი და ბოსტნეული გაანადგურა.
ადგილობრივების თქმით, სეტყვის საწინააღმდეგო დანადგარი დაგვიანებით გამოიყენეს.