კახეთის 31 საჯარო სკოლაში სასწავლო პროცესი დროებით შეწყდა
აღნიშნულთან დაკავშირებით საქართველოს განათლებისა და მეცნიერების სამინისტრო სპეციალურ განცხადებას ოფიციალურ გვერდზე ავრცელებს.
,,გრიპის ვირუსის საყოველთაო გავრცელების კვალდაკვალ მოიმატა მოსწავლეების ავადობის გამო სკოლის გაცდენების მაჩვენეელმა. საზოგადოებრივი ზეგავლენის შემცირების მიზნით, დაავადებათა კონტროლის ეროვნული ცენტრიდან მიღებული რეკომენდაციების საფუძველზე საქართველოს განათლებისა და მეცნიერების სამინისტრომ მიიღო გადაწყვეტილება, მომდევნო სამი დღის განმავლობაში სასწავლო პორცესის შეჩერებაზე იმ კონკრეტულ დაწესებულებაში, სადაც გაცდენათა რაოდენობა აღემატება 20%-ს. სამინისტრო აგროვებს ინფორმაციას მოსწავლეთა დასწრებაზე როგორც დილის, ასევე მეორე ცვლის მოსწავლეებთან დაკავშირებით. დასწრების მაჩვენებელი მეორე ცვლაში, რომელ პერიოდშიც ძირითადად დაწყებითი კლასების მოსწავლეები სწავლობენ, რიგ სკოლებში 20%-იან ნორმას აჭარბებს. მთელი საქართველოს მასშტაბით, ასეთი 180 საჯარო სკოლაა. შესაბამისად, სამინისტრომ მიიღო გადაწყვეტილება ამ სკოლებში სამი დღით სასწავლო პროცესის შეჩერებაზე. გაცდენილი საათები კი, შაბათი დღეების ხარჯზე ანაზღაურდება”, – ნათქვამია სამინისტროს განცხადებაში.
უწყების ინფორმაციით, კახეთში, თელავის მუნიციპაიტეტის სოფელ კურდღელაურის, ახმეტის რაიონის სოფლების ყვარელწყლის, მატნის N1 და N2, ქალაქ ახმეტის N3, სიღნაღის მუნიციპალიტეტის სოფელ ხორნაბუჯის, გურჯაანის სოფლების ჭანდრის, ბაკურციხის, ჩალაუბნისა და არაშენდის, დედოფლისწყაროს N3, სოფლების ოზაანის, ზემო მაჩხაანისა და ფიროსმანის, საგარეჯოს #3, სოფლების კაკაბეთის, თოხლიაურისა და მანავის საჯარო სკოლებში.
რაც შეეხება 13 სასწავლო დაწესებულებას, სადაც დიდთოვლობის გამო შეწყდა სწავლა, ესენია ყვარლის 6 და ახმეტის 7 საჯარო სკოლა.
უწყების ინფორმაციით, სასწავლო პროცესი 1-ლი თებერვლიდან განახლდება.