სოფელ ქისტაურში ახალგაზრდა მამაკაცი მოკლეს
ვ.დ.შემთხვევის ადგილზე გარდაიცვალა. ახმეტის მუნიციპალიტეტის გამგებლის, ბექა ბაიდაურის განცხადებით, მკვლელობის მოტივი, ამ ეტაპზე უცნობია. ,,ამ წუთებში, შემთხვევის ადგილზე მობილიზებულია პოლიცია და მუშაობს კრიმინალისტიკური სამსახური,” – აცხადებს knews.ge-სთან ბექა ბაიდაური.
შინაგან საქმეთა სამინისტროს ინფორმაციით, მომხდარზე გამოძიება დაიწყო. საქმე აღძრულია 108-ე განზრახ მკვლელობის მუხლით. უწყებისვე ცნობით, ცნობილია სავარაუდო ეჭვმიტანილის ვინაობა და ამ დროისთვის მიმდინარეოს ოპერატიულ-სამძებრო ღონისძიებები მის დასაკავებლად.