ილტოს ხეობა იცლება

ადგილობრი­ვები მესაქონლეობითა და ბოსტანში მოყვანილი პროდუქტებით ძლივს ირჩენენ თავს. სასაზღვრო ტერი­ტორია, რომელსაც ჩრდილოეთით რუსეთის ფედერაციაში შემავალი ჩეჩნეთი და ინგუშეთი ესაზღვრება, მაღალმთიანი დასახლების სტატუ­სის გარეშეც დარჩა. მიუხედავად იმისა, რომ ილტოს ხეობა ყველა კრიტერიუმს აკმაყო­ფილებს, ჯერჯერობით ტერიტო­რიას მაღალმთიანი დასახლების სტატუსი არ მინიჭებია. ილტოს ხეობაში შემავალი შახვე­ტილას თემის მაჟორიტარი დეპუ­ტატი ახმეტის მუნიციპალიტეტის საკრებულოში გიორგი უძილაური განმარტავს, რომ კანონპროექტი შეღავათებს ითვალისწინებდა ამ ხეობისთვისაც, რის გამოც 15 კომლი სახლებს დაუბრუნდა, ახლა კი არსებობს სასაზღვრო ტერიტო­რიის სრულად დაცლის საფრთხე.

“ილტოს ხეობის სოფლები განიც­დი მიგრაციას. ხეობაში არ არსებობს მაღაზია, ბაგა-ბაღი, საჯარო სკოლა, სამედიცინო პუნქტი. ხეობის ყველა სოფელში სასმელი წყლის პრო­ბლემაც მძაფრად დგას. 4 სოფელი ქვემო ჩოფჩაური, ჯაბური, ბუხრები და ბუღაანი ელექტროენერგიის გარეშეა დარჩენილი. ილტოს ხეობა სტრატეგიული მნიშვნელობისაა, რომელსაც ჩრდი­ლოეთით ესაზღვრება ინგუშეთი და ჩეჩნეთი, სასაზღვრო ზონაში ბოლო დასახლებული პუნქტია. იმის მაგივრად, რომ ხელისუფლებამ ხელი შეუშალოს ამ დასახლებული პუნქტიდან მოქალაქეების გადინე­ბას, მთავრობა ართმევს იმ პრივი­ლეგიასაც, რასაც ითვალისწინებს მთის კანონი”, – აცხადებს გიორგი უძილაური. 

ახმეტის მუნიციპალიტეტის გამგებელი ბექა ბაიდარი კი აცხა­დებს, რომ ილტოს ხეობის 4 სოფელ ბუხრევს, ვეძებს, ბუღაანს, ქვემო ჩოფჩაურს უკვე შევიდა მაღალმიან დასახლებათა ნუსხაში. ბაიდაურის მტკიცებით, მან შე­საბამისი შუამდგომლობით უკვე გაუგზავნა მიმართა მთის განვი­თარების ეროვნულ საბჭოს, რომ ხეობის სხვა სოფლების ჩაჩხრია­ლას, შახვეტილას, ნადუქნარის და ჭართალას მოსახლეობამაც ისარ­გებლოს კანონით გათვალისწინე­ბული სოცილაური და საგადასახა­დო შეღავათებით.

ერთიანი ნაციონალური მო­ძრაობის ახმეტის რაიონული ორ­განიზაციის ხელმძღვანელი შაქრო ტერტერაშვილი კი ილტოს ხეობის მთის სტატუსის გარეშე დარჩენას პოლიტიკურ ფაქტორს უკავში­რებს. ტერტერაშვილს მიაჩნია, რომ ილტოს ხეობა, რომელიც მოსახლეობის მკვეთრი სიმცირით გამოირჩევა, არჩევნებზე მოქალა­ქეების ხმების დიდი რაოდენობის მოპოვების მხრივ ხელსაყრელ და­სახლებას არ წარმოადგენს. 

“ჯერჯერობით ამ საკითხზე მიმ­დინრეობს აქტიური მუშაობა. უნდა დადგინდეს, რომელი სოფელ რომელ ისტორიულ*გეოგრაფიული მხარის დასახლეობას ეკუთვნის. ამ დრომდე ეს არ დადგენილა და შესაბამისად ჯერ ილტოს ხეობის სოფლებს მთის სტატუსი არ მინიჭებიათ”, – აცხა­დებს გაზეთ “კახეთის ხმასთან” საუბრისას ინფრასტრუქტურის სამინისტროს იურიდიული სამ­სახურის უფროსი ირკალი კახიძე. 

მოსახლეობა ამბობს, რომ თუ ვერ ისარგებლებენ მთელი რიგი შე­ღავათებით, ხეობისგან მხოლოდ ნასახლარიღა დარჩება.