ლაგოდეხში ქალაქის განვითარების სტრატეგია მუშავდება

პროექტის ფარგლებში დაგეგმილია ლაგოდეხის მუნიციპალიტეტის განვითარების სტრატეგიის შემუშავება. პროექტის მენეჯერ ჯუბა მარუაშვილის ინფორ­მაციით, სტრატეგიის შემუშავებაში ჩართულია მოსახლეობა, რო­მელიც თავად მიიღებს აქტიურ მო­ნაწილეობას ქალაქისა და სოფლების პრობლემების მოგვარებაში. 
,,მუნიციპალიტეტისთვის იქმნება საკმაოდ მნიშვნელოვანი კომ­პონენტი სტრატეგიის განვითარების კუთხით, რაც სამომავლოდ იქნება გზა­მკვლევი, თუ როგორ განისაზღვროს ადგილობრივი საბიუჯეტო პრიორიტე­ტები, სოციალური და ეკონომიკური მდგრადობის მისაღწევად”, – განმარტავს მარუაშვილი.
მუნიციპალიტეტის განვითარების სტრატეგიის შემუშავებას დადები­თად აფასებს გამგებლის მოადგილე გიორგი ბოკერია. მისი განმარტებით, ამ მხრივ მნიშვნელოვანია საერთა­შორისო ორგანიზაციების დახმარება და ჩართულობა. 
,,მუნიციპალიტეტის სწორი განვი­თარებისთვის მნიშვნელოვანია, არსე­ბობდეს სტრატეგიული განვითარების პროგრამები და გეგმები. საჭიროა იმის­თვის, რომ მუნიციპალიტეტმა უკეთ განახორციელოს საკუთარი უფლე­ბამოსილება, დახვეწოს საკუთარი სერვისები და განავითაროს ეკონომიკა. ლაგოდეხი მნიშვნელოვნად დამო­კიდებულია სოფლის მეურნეობის, ტურიზმის სხვადასხვა დარგების გან­ვითარებაზე. გარდა ამისა, მნიშვნელო­ვანია ბიზნესის განვითარების ხელშეწ­ყობა. სტრატეგიული განვითარების პროგრამების შედგენის პროცესში მოქალაქეები იქნებიან ჩართულები აქტიურად, ასევე, მნიშვნელოვანია სამოქალაქო ჯგუფების და ბიზნესსე­ქტორის ჩართულობა და ვფიქრობ, რომ საკმაოდ მნიშვნელოვანი სამუშაო ჩატარდება. მუნიციპალიტეტს ექნება განვითარების გრძელვადიანი, 3-5-წლიანი ხედვა, რომლის მიხედვითაც დაიგეგმება თითოეული წლის ბიუჯე­ტი. ეს ყველაფერი კი, ხელს შეუწყობს მუნიციპალიტეტის ეკონომიკურ განვითარებასა დ იმ პრობლემების მოგვარებას, რაც ჩვენი მოსახლეობის წინაშე დგას. ვფიქრობთ, რომ 2017 წლის ბიუჯეტში აისახება ის რეკო­მენდაციები, რომელსაც ჩვენი საზო­გადოება წარადგენს უწყების წინაშე”, – აცხადებს knews.ge-სთან გიორგი ბოკერია.