ლარში გაცემული სესხები – საპროცენტო განაკვეთი გაიზარდა

ეროვნული ბანკის მიერ გამოქვეყნებული სტატისტიკიდან ჩანს, რომ 2024 წლის დეკემბერში ეროვნულ ვალუტაში გაცემულ სესხებზე საპროცენტო განაკვეთმა 12.63% შეადგინა, რაც 0.6%-ით არის გაზრდილი თვიურ, ხოლო 1.37%-ით წლიურ მაჩვენებელზე.

ამავე მონაცემების მიხედვით, 2024 წლის ნოემბერში ლარში გაცემულ სესხებზე საპროცენტო განაკვეთი საშუალოდ, 12.03% იყო, ხოლო 2023 წლის დეკემბერში – 11.26%.

ამასთან, სებ-ის მონაცემებით, სამომხმარებლო სესხებზე, საპროცენტო განაკვეთი 2024 წლის დეკემბერში წლიურად 0.27%-ით გაიზარდა და 18.16% შეადგინა. ხოლო, უზრუნველყოფილი სესხების საპროცენტო განაკვეთი (ლარში) 14.66% იყო, რაც 1.42%-ით მეტია წინა წლის იგივე პერიოდზე.

სტატისტიკის მიხედვით, 2024 წელს ლარში გაცემულ სესხებზე საპროცენტო განაკვეთი თვეების მიხედვით, ასე იცვლებოდა:

იანვარი- 11.49%

თებერვალი – 11.49%

მარტი – 11.46%

აპრილი – 11.17%

მაისი – 11.3 %

ივნისი – 11.4 %

ივლისი – 11.57 %

აგვისტო – 11.67 %

სექტემბერი -11.8 %

ოქტომბერი – 11.85 %

ნოემბერი – 12.03 %

დეკემბერი – 12.63 %