როდის დაიწყება თელავში ფსიქიატრიული საავადმყოფოს მშენებლობა უცნობია

თელავში 30 საწოლიანი ფსიქიატრიული საავადმყოფოს მშენებლობა, რომელიც რამდენიმე წელია იგეგმება, ამ დრომდე არ დაწყებულა.

მთავრობის მიერ დაანონსებული სამედიცინო დაწესებულების მშენებლობა გასულ წლებში უნდა დაწყებულიყო, თუმცა დღემდე ამ საკითხზე არაფერია ცნობილი. გავრცელებული ინფორმაციით, ფსიქონევროლოგიური დისპანსერის მშენებლობა და სამედიცინო აპარატურით აღჭურვა საქართველოში ჩინეთის სახალხო რესპუბლიკის საელჩომ უნდა დააფინანსოს. როგორც Knews.ge-ს თელავის მუნიციპალიტეტის მერიაში განუცხადეს, ამ დროისთვის არ არის ცნობილი როდის დაიწყება სამედიცინო დაწესებულების მშენებლობა.

ჯანდაცვის სამინისტროში გასულ წლებში განმარტავდნენ, რომ ახალი საავადმყოფოს აშენებისა და თანამედროვე სამედიცინო აპარატურით აღჭურვის შემდეგ პაციენტებს სამედიცინო მომსახურების მიღება საუკეთესო პირობებში შეეძლებათ.

,,აღმოსავლეთ საქართველოში არ არის ფსიქიატრიული საავადმყოფო, ამიტომ მოსახლეობას ხშირად უწევს პაციენტების თბილისში განთავსება, რაც იწვევს მგზავრობის დამატებით ხარჯს, ისედაც შეჭირვებულ მოსახლეობას კი კიდევ უფრო მძიმე ტვირთად აწვება და პაციენტების ახლობლებს უჭირთ პაციენტის ნახვა სტაციონარში“. – აცხადებდნენ ჯანდაცვის სამინისტროში.

თელავის მუნიციპალიტეტის მერიაში აცხადებენ, რომ სამშენებლო სამუშაოების დაწყების ვადა არ არის ცნობილი. აღნიშნულ საკითხზე გასულ წელს ჯან­დაც­ვის მი­ნის­ტრმა, პარ­ლა­მენ­ტში, „მი­ნის­ტრის სა­ა­თის“ ფორ­მატ­ში სი­ტყვით გა­მოს­ვლი­სას გა­ნა­ცხა­და. მისი თქმით, მალე კახეთში ორი ფსიქიატრიული აშენდება.

„კა­ხეთ­ში ორი ფსი­ქი­ატ­რი­უ­ლი და­წე­სე­ბუ­ლე­ბის პრო­ექ­ტი იყო ჩი­ნე­ლებ­თან ერ­თად. სამ­წუ­ხა­როდ, 2019-21 წლებ­ში კო­ვიდ­თან და­კავ­ში­რე­ბუ­ლი პრობ­ლე­მე­ბის გამო, მათ­თან აქ­ტი­უ­რი კო­მუ­ნი­კა­ცია არ იყო. მიმ­დი­ნა­რე წელს ისევ გან­ვა­ახ­ლეთ კო­მუ­ნი­კა­ცია და ის პრო­ექ­ტი, რაც იყო მათ­თან ერ­თად შეს­რულ­დე­ბა და კა­ხეთ­ში ორი ფსი­ქი­ატ­რი­უ­ლი აშენ­დე­ბა“,– გა­ნა­ცხა­და აზა­რაშ­ვილ­მა.