დღეს საქართველოს ეროვნული ნაკრები, ალბანეთის ეროვნულ ნაკრებს დაუპირისპირდება

საქართველოს ეროვნული ნაკრები, დღეს, ერთა ლიგის მეორე ტურში, ალბანეთის ეროვნულ ნაკრებს დაუპირისპირდება. მატჩი ალბანეთის დედაქალაქში, ტირანაში, თბილისის დროით 22:45 საათზე დაიწყება.

შეგახსენებთ, რომ საქართველოს ნაკრებმა ჯგუფის პირველ შეხვედრაში ჩეხეთის ნაკრები ანგარიშით 4:1 დაამარცხა.

პირველი ტურის შეხვედრა უკრაინასთან გამარჯვებით დაასრულა ალბანეთის ნაკრებმაც.