საქართველოში 1 352 ირემი, 700-მდე ჯიხვი და 300-ზე მეტი ქურციკია

საქართველოში 1352 ირემი, 700-მდე ჯიხვი და 300-ზე მეტი ქურციკია – ამის შესახებ აღნიშნულია დაცული ტერიტორიების სააგენტოს 2023 წლის ანგარიშში.

ქურციკის რეინტროდუქციის პროექტი ვაშლოვანის დაცულ ტერიტორიებზე -ს აქართველოს გარემოს დაცვისა და სოფლის მეურნეობის სამინისტროსა და აზერბაიჯანის ეკოლოგიის სამინისტროს შორის თანამშრომლობის ფარგლებში განხორცილდა ქურციკების (ჯეირნების) რეინტროდუქცია აზერბაიჯანიდან საქართველოში. რეინტროდუქცია წარმატებით მიმდინარეობს 2013 წლიდან დღემდე. პროექტი ხორციელდება WWF-კავკასიისბუნების დაცვის ფონდის და TJS ფინანსური მხარდაჭერით. ვაშლოვანის დაცულ ტერიტორიებზე 2023 წლის მონაცემებით 300-ზე მეტი ქურციკია დაფიქსირებული.

ამასთან, სააგენტოს ანგარიშის მიხედვით, კეთილშობილი ირმის მონიტორინგი მიმდინარეობს 4 დაცულ ტერიტორიაზე – ბორჯომ- ხარაგაულის, თუშეთის, ლაგოდეხის, თბილისის ეროვნულ პარკში (გარდაბანი). 2023 წლის მდგომარეობით 1352 ირემი დაფიქსირდა, რაც გასული წლის მონაცემებთან შედარებით (1334 ინდივიდი) გაზრდილია 18 ინდივიდით.

ჯიხვის მონიტორინგი ლაგოდეხის დაცულ ტერიტორიებზე – 2018 წლიდან, პირველად კავკასიაში დაიწყო და დღემდე მიმდინარეობს აღმოსავლეთკავკასიური ჯიხვის ტრანსსასაზღვრო ტელემეტრიული მონიტორინგი ლაგოდეხის დაცულ ტერიტორიებზე და ზაქათალას აღკვეთილში. პროექტის განმახორციელებელი NACRES. 2022-2023 წლების მდგომარეობით ლაგოდეხის დაცულ ტერიტორიებზე დაფიქსირდა ჯიხვის დაახლოებით 700- მდე ინდივიდი.

კეთილშობილი ირმის რეინტროდუქციის პროექტები – ველური ბუნების ეროვნული სააგენტოს მიერ მიმდინარეობს ალგეთის ეროვნული პარკის ტერიტორიაზე კეთილშობილი ირმის აღდგენის პროექტი. კეთილშობილი ირმის აღდგენის პროექტზე მუშაობა მიმდინარეობს ნაკრესის მიერ თბილისის ეროვნული პარკის ტერიტორიაზე, დონორი BP – აღნიშნულია ანგარიშში.