თელავის უნივერსიტეტი აცხადებს კონკურსს აკადემიური თანამდებობების დასაკავებლად

იაკობ გოგებაშვილის სახელობის თელავის სახელმწიფო უნივერსიტეტი 12 დეკემბრიდან აცხადებს კონკურსს აკადემიური თანამდებობების დასაკავებლად შემდეგ მიმართულებებზე.

განათლების მეცნიერებათა ფაკულტეტი: პედაგოგიკის მიმართულებით, პროფესორის 2 საშტატო ერთეული 6 წლით; ასევე ასოცირებული პროფესორის 1 საშტატო ერთეული (აფილირებული) 6 წლით; მეთოდიკის მიმართულებით პროფესორის 1 საშტატო ერთეული 6 წლით;

ასევე კონკურსი ცხადდება აგრარულ, საბუნებისმეტყველო მეცნიერებათა და ტექნოლოგიების ფაკულტეტზე: აგრონომიის (ნიადაგმცოდნეობა) მიმართულება-პროფესორის 1 საშტატო ერთეული;

კონკურსში მონაწილეობის მიღების მსურველმა უნდა წარადგინოს: ავტობიოგრაფია (CV)
პასპორტის ან პირადობის მოწმობის ასლი
2 ფოტოსურათი სამეცნიერო/აკადემიური ხარისხის ან დოქტორანტურაში სწავლის დამადასტურებელი დოკუმენტის ასლი ცნობა ნასამართლეობის შესახებ

ონკურსანტის კომპეტენტურობის დასადგენად განსაზღვრულია სავალდებულო მოთხოვნებია: მინიმუმ 6 წლის სამეცნიერო-პედაგოგიური მოღვაწეობის გამოცდილება;
უმაღლესი განათლების ერთ-ერთ საფეხურზე (ბაკალავრიატი, მაგისტრატურა, დოქტორანტურა) აკრედიტებული საგანმანათლებლო პროგრამის ხელმძღვანელობა;
ბოლო ექვსი წლის განმავლობაში მინიმუმ ორ სამეცნიერო (მათ შორის ერთი აუცილებლად საერთაშორისო) ფორუმში (კონფერენცია/კონგრესი/ სიმპოზიუმი) მონაწილეობა (დარგთან შესაბამისად);
ბოლო ექვსი წლის განმავლობაში გამოქვეყნებული დარგთან შესაბამისი ორი საუკეთესო სამეცნიერო ნაშრომი და სხვა.

ასოცირებული პროფესორის აკადემიური თანამდებობის დასაკავებლად:

ასოცირებული პროფესორის თანამდებობაზე 6 წლის ვადით შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს 3 წლის სამეცნიერო-პედაგოგიური სტაჟი.

ნებისმიერი აქტივობის შესახებ ინფორმაცია წარმოდგენილი უნდა იყოს დამოწმებულად.

კონკურსანტი ვალდებულია, არაქართული წარმოების დოკუმენტები წარმოადგინოს ქართულ ენაზე თარგმნილი და დოკუმენტის გაცემაზე პასუხისმგებელი ორგანოს ხელმძღვანელი პირის მიერ ხელმოწერითა და ბეჭდით ან/და სანოტარო წესით დამოწმებული სახით.

დამატებითი ინფორმაციისთვის ეწვიეთ ევებგვერდს: www.tesau.edu.ge

ელ ფოსტა:info@tesau.edu.ge