8 ივლისს შუამთის ფესტივალი გაიმართება

ღონისძიება დაიწყება 13:00 საათიდან, სადაც დაგეგმილია შუამთის ტყე-პარკის სარეკრეაციო ზონის ოფიციალურად გახსნა.

კომპანია “ბადაგონისა” და „USAID-ის ეკონომიკური უსაფრთხოების პროგრამის“ მიერ დაგეგმილ გასართობ-შემეცნებით ღონისძიებაზე მოსულ სტუმრებს დაგხვდებათ კარგი მუსიკა და ბევრი გართობა: სამაგიდო და სათავგადასავლო თამაშები დიდებისთვის; სხვადასხვა საბავშვო აქტივობები – შეჯიბრებები, ხატვის მასტერკლასები; ადგილობრივ მეწარმეთა გამოფენა-გაყიდვა; შემეცნებითი გასვლა ტყეში ორგანიზაცია “გარე-მარესთან” ერთად; სპორტული აქტივობები; უგემრიელესი BBQ კერძები; მსურველებს ასევე ექნებათ შესაძლებლობა, დააგემოვნონ ბადაგონის ღვინოები და სხვადასხვა ალკოჰოლური და უალკოჰოლო სასმელი.
18:00 საათიდან ღონისძიებას გააგრძელებენ ელექტრონული მუსიკის ცნობილი ქართველი არტისტები:
18:00 – 20:00 Tobako Tween
20:00 – 22:00 Levi love disco
22:00 – 00:00 meANDyou