დაიჯესტი აზერბაიჯანულ ენაზე
Efirdə azərbaycan dilində həftəlik icmaldır. İcmal onlayn radio “Kaxetinin səsi” efirində verilir və bölgədə baş verən əhəmiyyətli və maraqlı məsələlərə toxunur. Verilişi azərbaycan dilində onlayn radio və Knews.ge informasiya agentliyinin səhifəsində dinləyə bilərsiniz.
Məktəblərdə sanitar-gigiyenik normalarına riayət etmək praktikalarını və problemlərini öyrənəcəklər – fəaliyyət planı
Təhsil və Elm Komitəsinin 2023-cü il fəaliyyət planına dəyişikliklər əlavə edildi. Komitə sədri Qivi Mikanadzenin qeyd etdiyi kimi, il ərzində Komitə altı tematik araşdırma aparacaq və müvafiq hesabatlar hazırlayacaqdır. Onun izahına əsasən, yenilənmiş fəaliyyət planına əsasən, məktəblərdə sanitar-gigiyenik vəziyyəti öyrənmək məqsədilə, yeni tematik araşdırma – təhsil müəssisələrində sanitar-gigiyenik normalarının müdafiəsi praktikasını və mövcud problemləri öyrənmək planlaşdırılır. Yenilənmiş fəaliyyət planının ingilisdilli versiyası, Komitə sədrinin qərarı ilə, xarici donor təşkilatlarının nümayəndələrinə göndəriləcək və bundan sonra birgə aktivliklər planlaşdırılacaqdır.
Qavazi kəndində Amerika festivalı keçiriləcəkdir
5 iyunda, saat 13:00 -də, Ğvareli bələdiyyəsinin Qavazi kəndində Amerika festivalı keçiriləcəkdir. Tədbirin təşkilatçısı, ,,Qavazi bilik kafesi – Knowledge Cafe Gavazi”-inin nümayəndlərinə əsasən, bu gün qonaqlar üçün ən şən, məlumatdolu və maraqlı olacaqdır. Qeyd olunan tədbir çərçivəsində müxtəlifcür tədbirlər planlaşdırılmışdır.
,,Bölgə miqyasında ilk dəfə, Qavazi ictimai məktəbinin həyətində Amerika festivalına ev sahibliyi etmək şərəfinə nail olmuşuq. Bu şənlik, maraqlı məlumat almaq, musiqi, yemək, çərəzlər və bir çox əyləncəli aktivliklər yeri olacaqdır. Festivalda Ğvareli bələdiyyəsinin müxtəlif məktəb şagirdləri olacaqlar. Onlar maraqlanan şəxslərə məlumat verəcək, şən oyunlar təklif edəcək, prizlər oynadacaq və üzərində bir çox vaxtdır işlədikləri məsələlər barədə məlumat yayacaqlar. Festivalda həmçinin amerika burqerləri, hot-doqları, çərəzləri və əlbəttə ki, Koka-kola təqdim ediləcəkdir. “Kaxetidə Amerika günləri” festivalının məqsədi şagirdlərə əlavə bilik əldə etdirmək; bununla belə yaşıdları və yetkinlərə həmin informasiyanı ötürtməkdir. Layihə Amerika Dövlət Departamentinin Təhsil və Mədəniyyət Bürosu tərəfindən maliyyələşdirilmişdir”,– tədbirin təşkilatçıları bildirirlər.
İvane Çxaidze – Gürcüstanda qızılca vaksinasiyası ilə bağlı vəziyyət ağırdır, 10 min uşaq peyvənd olunmamışdır
İmmunizasiyanın Milli Texniki Müşavirlər rəhbəri, „İaşvili adına Uşaq Mərkəzi Xəstəxana“-nın tibbi doktoru, İvane Çxaidzenin bildirdiyi kimi, Gürcüstanda qızılca vaksinasiyası ilə bağlı vəziyyət olduqca ağırdır. Bu isə o deməkdir ki, uşaqlarda yoluxma miqyasları arta bilər və ölüm halları da ola bilər. O, mediaholdinq “Kviranın” mətbuat klubunda keçirilən mətbuat konfrasında ictimaiyyəti uşaqları peyvənd etməyə dəvət etdi.
„ Vaksinlə peyvənd olunma istiqamətində vəziyyət çox ağırdır, ikinci vaksinasiyasının göstəricisi 78%-dir. Rəqəm olaraq, bu on min peyvənd olmayan uşaq deməkdir. Yəni, 5 yaşlı əhalidə 10 mini peyvənd olunmamış uşaqdır. Bu isə o deməkdir ki, bu uşaqların valideynləri bunun nə kimi risk təşkil etdiyini düşünməyibdir. 10 min peyvənd olunmamış uşaq qorxulu vəziyyət kimi dönəcək, ensefalitə, ağciyər iltihabına çevriləcəkdir. Ciddi hallar riski olduqca yüksəkdir“, – Çxaidze bildirmişdir.
Telavidə tarixi avtomobillər festivalı keçirildi
Telavi Mərkəzi Meydanında ,,Otar Otaraşvili adına Tarixi Avtomobillər Festivalı 2023” keçirildi. Tədbirdə Gürcüstanın müxtəlif şəhərlərindən 100-dən çox avtomobil kolleksioneri və avtomühəndis-restavrator, habelə, Telavi bələdiyyəsində yaşayan tarixi avtomobillərin sahibləri iştirak etdilər. Tədbirdə həm amerika avtomobilləri, həm də keçmiş Sovet İttifaqında istehsal edilən “Hend meyd” avtomobillər, həm tarixi və klassik dizaynı olan motosikllər nümayiş etdirilmişdir. Avtomobillər arasından qaliblər elan edildilər və onlara Otar Otaraşvili adına kubok və hədiyyələr verildi.
Qurcaanidə bələdiyyə nəqliyyatı yaxın müddətdə fəaliyyətə başlayacaqdır.
Tezliklə Qurcaanidə bələdiyyə nəqliyyatı fəaliyyətə başlayacaqdır. Knews.ge-yə Qurcaani bələdiyyə meriyasında bildirdilər ki, avtobusları tender vasitəsilə alırlar. Bunun üçün avtostansiya hazırlanır. ,,Avtobusları hökumət tenderlə alır. Artıq qalib də elan edilib. Şirkətin avtobusları ölkəyə gətirməsi üçün 9 ayı var. İsuzu markalı 8 metrlik avtobuslar gətiriləcəkdir. Avtobuslar üçün stansiya yaradılır. Dayanacaqlara gəldikdə isə maketlərimiz var, lakin hələ quraşdırılma işləri başlamayıbdır. Şəhər şurası marşrutlar məsələsini işləyir və avtobusların hansı istiqamətdə hərəkət edəcəklərini yalnız bundan sonra biləcəyik”,- Knews.ge- yə Qurcaani Meriyasından bildirdilr.
Siğnağili Tsotne Bejaşvili klassik ştanqada dünya çempionu oldu
Afrikada gedən dünya çempionluğunda 66 kq çəki kateqoriyasında dünya çempionu Tsotne Bejaşvili oldu. Qeyd etmək lazımdır ki, 30 ildən sonra Tsotne Bejaşvili öz əfsanəvi müəlliminin Şota Bejaşvilinin nəticəsini təkrar edə bildi. O, 180 kq ilə yapon rəqibi Kavaşimanı məğlub etməyi bacardı.