2022-2023 წლებში ქართულ უნივერსიტეტებში 25 100 უცხოელი სტუდენტი ჩაირიცხა

ქართულ უმაღლეს საგანმანათლებლო სასწავლებლებში 2022-2023 წლებში 25 100 უცხოელი სტუდენტი ჩაირიცხა, რაც გასული წლის ანალოგიურ პერიოდთან შედარებით 43%-ით მეტია.

საქსტატის ინფორმაციით, უცხოელი სტუდენტების უმრავლესობა კერძო უნივერსიტეტებში სწავლობს.

მათმა რიცხვმა 2022-2023 წლებში 18 700-ს გადააჭარბა. 6 300-ზე მეტი სტუდენტი კი სახელმწიფო საგანმანათლებლო სასწავლებელშია ჩარიცხული. ამასთან, 2022-2023 სასწავლო წლის დასაწყისისთვის, საქართველოდან საზღვარგარეთ სასწავლებლად 723 სტუდენტი გაიგზავნა, რაც წინა წლის ანალოგიურ მაჩვენებელს 239-ით აღემატება.

საქსტატის ინფორმაციით, სახელმწიფო უნივერსიტეტებიდან გაგზავნილი სტუდენტების რიცხოვნობა 2.6-ჯერ აღემატება კერძო უნივერსიტეტებიდან გაგზავნილ სტუდენტთა რაოდენობას