კახეთის სამოქალაქო სექტორის მიმართვა

კახეთის  რეგიონული, სამოქალაქო/სათემო ორგანიზაციების წარმომადგენლები და სამოქალაქო აქტივისტები პარლამენტის წევრებსა და ადგილობრივ ხელისუფლებას განცხადებით მიმართავენ.

 

„ჩვენ, განცხადებაზე ხელმომწერი საზოგადოებრივი ორგანიზაციები და სამოქალაქო აქტივისტები კატეგორიულად ვეწინააღმდეგებით კანონპროექტს “უცხოური გავლენის გამჭვირვალობის შესახებ”, რომელიც მთლიანად იზიარებს რუსეთში მიღებული კანონის სულისკვეთებას.

 

მოგიწოდებთ საქართველოს პარლამენტის წევრებს, ჩვენი რეგიონის მაჟორიტარ დეპუტატებს მხარი არ დაუჭიროთ ამ კანონს, ასევე მოგიწოდებთ კახეთის რეგიონის მუნიციპალიტეტების მერებს, საკრებულოს თავმჯდომარეებს, საკრებულოს წევრებს, თანამდებობის პირებს ხმა აიმაღლოთ რუსული, ანტიქართული, ანტიევროპული კანონის წინააღმდეგ.

 

რუსული კანონის მიღებისა და საზოგადოებრივი ორგანიზაციების აგენტებად გამოცხადების შემთხვევაში საქართველო დაკარგავს ევროატლანტიკურ სტრუქტურებში ინტეგრაციის შესაძლებლობას, რომლის გარეშეც ქართული სახელმწიფოს არათუ განვითარება, არსებობაც კი კითხვის ნიშნის ქვეშ დადგება.

 

პარლამენტში ამჟამად განსახილველი კანონი   მიზნად ისახავს დამოუკიდებელი მედიის და არასამთავრობო ორგანიზაციების საქმიანობის შეჩერებას, რაც პირველ რიგში, დააზარალებს შეზღუდული შესაძლებლობის მქონე პირებს, ძალადობის მსხვერპლ ბავშვებს, ქალებს, უმცირესობებს,  ახალგაზრდებს, ფერმერებს, სოციალურად დაუცველებს, დევნილ, უსახლკარო და საკუთარი უფლებების დაცვისათვის მებრძოლ ადამიანებს.

 

სწორედ საზოგადოებრივი ორგანიზაციები არიან იმ ძირითადი სერვისების მიმწოდებლები, რაც ჩვენს თანამოქალაქეებს აძლევს ყოფით პრობლემებთან გამკლავების საშუალებას.  ევროპის მხარდაჭერისა და დასავლეთიდან მიღებული დაფინანსებების გარეშე ვერ აშენდებოდა სკოლები, ბაღები, საექიმო ამბულატორიები, ვერ დაიგებოდა გზები, ვერ მოეწყობოდა წყალმომარაგების სისტემები, ვერ განხორციელდებოდა ფერმერთა თუ მეწარმეთა მხარდამჭერი პროექტები და მრავალი სხვა.

 

კახეთის სამოქალაქო ორგანიზაციებმა ადგილობრივ თვითმმართველობასთან ერთად არაერთი სასარგებლო ინიციატივა განახორციელეს ჩვენი საზოგადოების გასაძლიერებლად, რადგან გვჯერა, რომ ერთობლივი ძალებით ყველა ერთად, ვემსახურებით ქართველი ხალხის უკეთეს მომავალს.

 

საამაყოა, რომ ერთობლივი, შედეგზე ორიენტირებული თანამშრომლობის შედეგად არაერთმა ადგილობრივმა მოქალაქემ: ახალგაზრდამ, შშმ პირმა, ქალებმა თუ ფერმერმა  გაიუმჯობესა საკუთარი უნარები. შესაძლებლობები, თუმცა ამ კანონის მიღების შემთხვევაში, ჩვენი საზოგადოება შეაჩერებს წინსვლას და განვითარებას!

 

იდენტურმა კანონმა რუსეთში მოკლა თავისუფალი და კრიტიკული აზრი, დაასამარა დემოკრატია, რომელმაც, თავის მხრივ, გააძლიერა პუტინის ავტორიტარული რეჟიმი. ქართული საზოგადოების მისწრაფება ყოველთვის იყო და არის დასავლური ფასეულობები, ქვეყნის ევროპულ სტრუქტურებში ინტეგრაცია, რაც ასახულია საქართველოს კონსტიტუციაში.  რუსული კანონი კი ამ ყველაფერთან შეუთავსებელია!

 

არ დაუჭიროთ მხარი რუსულ კანონპროექტებს, რომლებიც ქვეყანას მომავალს ართმევს!

გვჯერა, რომ ჩვენი ქვეყნის და ხალხის  საერთო ინტერესიდან გამომდინარე, პარტიულ გადაწყვეტილებებზე უპირატესად დააყენებთ ფართო საზოგადოების ლეგიტიმურ მოთხოვნას და მხარს არ დაუჭერთ რუსულ კანონს.

 

რუსული კანონი არ არის საქართველოს არჩევანი!”

 

მიმართვის ხელმომწერები არიან:

 

მედია ცენტრი კახეთი – MCK – მაია მამულაშვილი

მედია გამოცემა „კახეთის ხმა“

..ყვარლის ევროკლუბი” / ევრო-ატლანტიკური ცენტრი – ნიკა გურინი

,,რეგიონის განვითარების ცენტრი” – ლიზი სოფრომაძე

,,დემოკრატიული ჩართულობის ცენტრების ქსელი”  – თამარ მოდებაძე, ქეთევან სიბაშვილი

ასოციაცია “სოციალური ქოლგა” –  ნათია მექვაბაური

,,საიას” თელავის  ოფისი – მარეხ  მგალობლიშვილი

მშობელთა და ბავშვთა ინტერესების დაცვის ასოციაცია “დია” – დიანა ხაზარაძე

,,კვლევისა და განვითარების ფონდი” – გიორგი თავბერიძე

ააიპ ,,მოვუსმინოთ სამყაროს” – მაია ხუციშვილი

,,სიღნაღის რეგიონის სოციალურად უმწეოთა თერაპიის კავშირი თემი ქედელი” – ლალი ხანდოლიშვილი

ლაგოდეხის ,,ლაგი” – გიორგი ბოკერია

,,ადამიანის  უფლებათა ცენტრის”  კახეთის ოფისი – ლია ხუროშვილი

,,სამართლიანი არჩევნებისა და დემოკრატიის საერთაშორისო საზოგადოების კახეთის” რეგიონული ოფისი – ნანა დევიძე

,,საქართველოს უდიები”  – ალექსანდრე ქავთარაძე

შშმ პირთა მშობელთა კავშირი ,,ლამპარი” – ნინო მაისურაძე

,,ნადიკვარი – მეგობრობა განვითარებისათვის” – ლიკა იმერლიშვილი

,,სოფლად მცხოვრები ქალები ადამიანის უფლებებისათვის” – თამილა ბაწაშვილი

,,საქართველოს სამოქალაქო განვითარების ასოციაცია” – თამარ მუმლაძე

,,თელავის მშობელთა მხარდამჭერი ცენტრი” – ნინო ხუციშვილი

,,თელავის დამოუკიდებელი ცხოვრების ცენტრი” – ელენე მჭედლიშვილი

,,სამართლიანი არჩევნებისა და დემოკრატიის საერთაშორისო საზოგადოება” / მედია ცენტრი კახეთი – თინა სიბაშვილი

სათემო ორგანიზაცია „ნუკრიანი“ – მაია ბიძინაშვილი

სათემო ფონდი ,,ლელი” – ტასო მოდებაძე

,,ლელიანის ზრდასრულთა განათლების ცენტრი” – ნანა ნერსეზაშვილი

,,კახეთის სამხარეო განვითარების პროგრამა” – ნანა ათუაშვილი

,,სათემო განვითარების ცენტრი” – ანა მარგველაშვილი

,,ამერიკული კუთხე თელავში” – თეა ჯეირანაშვილი

,,სამოქალაქო განათლების პედაგოგთა ფორუმი” – კახეთის წარმომადგენლობა – ზეინაბ კაკალაშვილი

“კახეთი” – ნატალია დაქიშვილი

“ნაბიჯი მომავლისკენ” – თელავის ოფისი – კახი გემაზაშვილი

,,საქართველოს საზოგადოებრივი ინტერესების დაცვის ასოციაცია” – ნინო პაატაშვილი

,,თელავი ჩემი ქალაქია” – თამარ ბოტკოველი-ლაზარიაშვილი

,,აღმოსავლეთ ევროპის ცენტრი მრავალპარტიული დემოკრატიისთვის” – თელავის ფილიალი – არჩილ მჭედლიშვილი

,,მდგრადი განვითარების რეგიონალური ცენტრი” – კახა სუხიტაშვილი

სათემო ორგანიზაცია „მატანი XXI“ – სოფიკო მარუქაშვილი

,,სიღნაღის შშმ პირთა მშობელთა კავშირი” – ნიკა ჯავაშვილი

,,გზა იმედისაკენ” – ნაზი ქუმსიაშვილი

,,რძის მწარმოებელ ფერმერთა ასოციაცია” – ნინო სიფრაშვილი

ტურიზმის განვითარების ასოციაცია ,,დედოფლისწყარო” – მანანა ყატაშვილი

,,სამოქალაქო საზოგადოება განვითარებისათვის” – მარიამ ბუშელაშვილი

,,კახეთის რეგიონალური ფონდი” – იზა ბექაური

ასოციაცია ,,უდი” – ბექა ნუშემაშვილი

,,უფლებები საქართველოს” თელავის სამართლებრივი დახმარების ცენტრი

,,არბოშიკის ქალთა და ახალგაზრდობის საინიციატივო ჯგუფი” – მაია ლამაზოშვილი

ქალები რეგიონიდან საზოგადოების განვითარებისთვის – მარიეტა კაკიაშვილი-რუაძე

ა(ა)იპ საქველმოქმედო კავშირი თემი – ზურა ლუარსაბიშვილი

,,კედელი” – ნატა სისვაძე

ჟურნალისტთა ასოციაცია ,,მეცენატი”, საინფორმაციო სააგენტო speqtri.ge – მაია ყალაბეგაშვილი

მოქალაქე – ეთო შიუკაშვილი

მოქალაქე – ლევან როსტომაშვილი

მოქალაქე – სოსო მიქელაძე

მოქალაქე – გიორგი გოცირიძე

მოქალაქე – სოფიო არსენიშვილი

სამოქალაქო აქტივისტი / ჟურნალისტი – მაკა მოსიაშვილი

 

 

ხელმოწერები გრძელდება …