80-ზე მეტი მონაწილე და 30 000-იანი საპრიზო ფონდი – ლოპოტაზე ჩოგბურთის სამოყვარულო ტურნირი დაიწყო

ჩოგბურთის სამოყვარულო ტურნირი – „LOPOTA CUP 2022“ „ლოპოტა სპა რეზორტის“ განახლებულ კორტებზე დღეს გაიხსნა.

ორგანიზატორების ინფორმაციით, ტურნირი წუთიერი დუმილით დაიწყო – მონაწილეებმა და დამსწრე პირებმა ვაკის პარკში დატრიალებული ტრაგედიის შედეგად დაღუპული მარიტა მეფარიშვილის ხსოვნას პატივი მიაგეს.

მათივე ცნობით, „ლოპოტა სპა რეზორტის“ ორგანიზებით, LOPOTA CUP 2022-ის თამაშები 20-23 ოქტომბერს გაიმართება. ტურნირის მიმართ მაღალი ინტერესი დაფიქსირდა და 80-ზე მეტი მონაწილე ასპარეზობს.

„პოპულარული ტურნირი – „LOPOTA CUP“ წლების წინ, „ლოპოტა სპა რეზორტის“ დამფუძნებლის გოგა მაისურაძის ინიციატივით დაარსდა და ყოველწლიურ ხასიათს ატარებდა. წელს ტურნირი სამოყვარულო შეჯიბრებებს შორის ყველაზე დიდი საპრიზო ფონდით დაბრუნდა, ფონდი 30 000 ლარს შეადგენს.

„LOPOTA CUP 2022-ის“ გენერალური სპონსორია „როზალინდ ფრანკლინ ველნეს ცენტრი“ , ტურნირის სპონსორები არიან: „სარაჯიშვილი“, „არქი“, „ბორჯომი“, „შატო ბუერა“, „პორშე ცენტრი თბილისი“, „ვორლდ კლას ჯორჯია“ , „სეტანტა სპორტი“ , „ქროსთი“,- ნათქვამია ინფორმაციაში.