ბრიუსელში გამართულ სემინარში ლაგოდეხის საკრებულოს წევრმა, სალომე ღონღაძემ მიიღო მონაწილეობა
ქართულმა დელეგაციამ CEMR-ის მასშტაბურ შეხვედრაში მიიღო მონაწილეობა საქართველოს ადგილობრივ თვითმმართველობათა ეროვნული ასოციაციის ეგიდით, ევროპის მუნიციპალიტეტთა და რეგიონთა საბჭოში (CEMR) წარდგენილ დელეგატთა შორის ლაგოდეხის მუნიციპალიტეტის საკრებულოს წევრი სალომე ღონღაძე იმყოფებოდა.
26-27 სექტემბერს, ბრიუსელში გამართული სემინარი, აღნიშნული საბჭოს მიერ გასატარებელ ღონისძიებებზე მსჯელობას დაეთმო, რომლებიც 2023-2024 წლის სამოქმედო გეგმაში აისახება.
შეხვედრა რამდენიმე სესიად დაიყო, სადაც მონაწილეები, აუდიტორიის წინაშე, საკუთარ ქვეყნებში და მათ მუნიციპალიტეტებში არსებული მიღწევებისა და გამოწვევების საკითხებზე მოხსენებებით წარდგნენ.
ორდღიან სამუშაო შეხვედრაზე მონაწილეებმა მუნიციპალიტეტებში არსებულ საჭიროებებსა და მათი გადაჭრის გზებზე, კერძოდ, ევროინტეგრაციის მიმართულებით რეკომენდაციების აღსრულებაზე და აღნიშნულ პროცესში CEMR-ის ჩართულობის როლზე, ასევე, მუნიციპალიტეტების გაძლიერების პროცესში LAG-ების როლზე, მწვანე შეთანხმებასა და გენდერული თანასწორობის შესახებ, ევროპული ქარტიის აღსრულების შესახებაზეც იმსჯელეს.