თელავში, აღმაშენებლის ქუჩაზე ავარია მოხდა- ფოტო

თელავში, აღმაშენებლის ქუჩაზე ავარია მოხდა. ერთმანეთს ორი მსუბუქი ავტომანქანა დაეჯახა.

თვითმხილველების თქმით, ცენტრალურ გზაზე მოძრავ მანქანას საპირისპირო მიმართულებით მოძრავი მანქანა ჯერ დაეჯახა, შემდეგ კი ადგილობრივი მცხოვრების გალავანს დაეჯახა და ეზოში შევარდა.

შეჯახების შედეგად სხეულის მსუბუქი დაზიანებები მიიღო ერთმა პირმა. ერთი პირი თელავის რეფერალურ საავადმყოფოში გადაიყვანეს.

ადგილზე მობილიზებული იყო საპატრულო, სამედიცინო და სახანძრო სამსახურები.